باش نعمل كما طارق : رؤوس أقلام و من غير ما نحكي نظريا شنوة لازم(أنا بيدي منعرفش ) لكن باش نقترح بعض الأفكار, باش نحاول نتبع أفكار طارق و نجاوب عليها كنبدى موش موافق.
-عدم حذف بطاقة التعريف لكن حذف مراقبة الهوية
-تخفيض عدد رجال الشرطة من 200ألف الى 50ألف
-عدم معاقبة الجرائم الخفاف بالسجن و لكن باعمال لفائدة المجموعة
-تشغيل كل المساجين و اعطائهم مرتب رمزي يخلصو بيه كراء السجن (الي يحب بيت وحدو ما عليه كان يخدم و يخلص) ومصاريف السجن و مصاريفهم الشخصية و ينجمو حتى في بعض الحالات ينقصو بيه مدة العقوبة. الأموال هذه تكون بعملة أخرى غير الدينار و غير قابلة للتحويل الى الدينار.
-ربط كل بطاقة تعريف بحساب جاري في البنك او البريد مع امكانية اصدار حوالات من و الى هذهالحسابات عبر الانترنات.
-جمع كل الوثائفق من بطاقة تعريفو رخصة سياقة و وووو في بطاقة التعريف.
-الغاء كل العمولات على البطاقات المغناطيسيةعل خاطر بها الطريقة ما عادش حتى حد يقدر يخبئ فلوسه على الحاكم.
-الغاء كل عمولات البنوك عامة
-عدم ادراج اللسان التونسيفي المناهج التعليمية و عدم الاعتراف به كلغة رسمية : أولا هنا يجب التعريف باللسان التونسي نظرا للفوارق الموجودة بين لهجات البلاد: اللسان التونسي هل هو لهجة تونس العاصمة أم لهجة مدنين أم لهجة صفاقس ام لهجة الساحل ام اللهجة الجريدية الخ؟ مثلا كيف ستكون كلمة انا هل ستكون آنَ ام آن(الساحلية) أم ناي أم نا أم أني؟
ثم لتكون اللغة حية يجب أن تكون هناك ثقافة و ابداع و مؤلفين يكتبون بهذه اللغة وهو ما لا يتوفر في اللهجة التونسية.
ثم الاعتراف بالهجة التونسية كلغة رسمية يعني اقصاء تونس من محيطها العربي المغاربي و تكريس الحدود الموجودة والتي كانت وستبقى دائما مطاطة تتسع و تنكمش على مر الزمن.
-ادخال مادة اللهجات العربية في التعليم
-تكريس العقلانية و الفكر النقدي : الفلسفة ابتداء من الأولى ثانوي(أي اسابعة اساسي) و يتم تدريسها من قبل استاذين يتعمدان ان يكون أرائهما متضاربة يخلقان حوارا في القسم. يتم تدريس الفلسفة في حلق تدريسية أي أن لا يكون الاستاذ في موقع و التلاميذ في موقع آخر : لا يجب أن يكون هناك ملقِن و ملقَن !!
-نفس الشيء بالنسبة للتفكير الاسلامي مع التعريف بالفكر المعتزلي و بمختلف الطوائف الاسلامية
-ساعتان في الاسبوع للانشطة الثقافية و الجمعياتية اجبارية في التعليم الابتدائي
-تغيير مناظرة الباكالوريا من مناظرة وطنية الى عربية أو على الاقل مغاربية و ادراج الجامعات العربية أو المغاربية في قائمة التوجيه شأنها شأن الجامعات التونسية.
-تخصيص اروقة للدراجات مبدأيا قرب الجامعات و في الأحياء الجامعية لأن الطلبة أفقر عباد و من جهة أخرى عقليتهم اسهل باش تتبدل
-تمشكية العباد على جميع أنحاء التراب التونسي : تعيين الموضفين عمدا في جهات غير جهاتهم و الاستثمار في المناطق الداخلية فماشي ما تنقص الجهوية
-فصل الثقافة و دور الشباب و الثقافة عن السياسة
-فصل بين الجامعات و السياسة
-حدائق عامة خالية من السكارجية و يقدر الفرد يمشيلها مع امه والا اخته
-غلق كل المساحات الكبرى : كارفور جيان... ارغام رؤوس الاموال على الاستثمار في مجالات تخلق الثروة
-فرض آداءات مشطة على المؤسسات التي لا تخلق ثروة و خاصة منها المؤسسات الكبيرة (لانها ما تعاونش في توزيع الثروة بطريقة جيدة) : أعني بخلق الثروة اي نشاط صناعي او نشاط يدخل العملة الصعبةأو نشاط يحد او يعوض منتوجات او خدمات كنا في السابق نستوردها
-منع رؤوس الاموال الاجنبية الاستثمار في المجالات الي ما تخلقش ثروة
-بلايك بالعربية و بالانقليزية و باسمائها الاصلية جربة موش دجربة
-توحيد الاستراتجيات الاقتصادية في المغرب العربي أو غلى الاقل التنسيق في اتخاذها و تحديد اجل تلغى من بعده الحدود : لا ديوانة ولا شرطة حدود : من تونس تدخل لليبيا ما ترى كان بلاكة ليبيا ترحب بكم و ما تحتاجش لجواز سفر بطاقة تعريف فقط
-ألغاء العقوبات للحراقة : تونس ماهاش حبس واللي موش عاجبو ما عليه كان يراقب حدوده وحدو
-توحيد الفضاء الاعلامي العربي او على الاقل المغاربي : التليفزينات و الرديووات العربية على الارضية بدون بارابول. بهذا نقصو من الواردات من البارابولات و الرسبتورات و نسيطرو اكثر على الفضاء الاعلامي التونسي (لا بو كشطة ولا سلفية) و نخلقو ارتباط اكبر بالمحيط العربي و زيد نخلقو منافسة اللي ما تنجم تكون كان باهية و نخلقو نوعا ما سوق موحدة بما ان الاشهارات يتلقاها الفضاء العربي كلو.
اقامة مشاريع حيوية مشتركة بين بلدان المغرب العربي و ترك ادارة بعض الجوانب الحيوية في البلدان الى بلدان اخرى : مثلا كل النفط بادارة ليبيا, القمج و المواد الغذائية بادارة تونسية, الموانئ والمطارات بادارة جزائرية, و البنوك المركزية بادارة مغربية (هذا مجرد مثال, نعرف اللي نسيت موريطانيا) وبذلك نضع وسيلة ضغط لكل دولة على الاخرى و بالتالي لا مجال للمشاكسات السياسية.
-اعادة نظر شاملة في منضومة البحث العلمي و دغع البحث العلمي في مجال العلوم الانساتية
-وسط البلاد خالي من السيارات
-حذف العقوبة بالسجن لمتعاطي الزطلة
ليست هناك تعليقات:
إرسال تعليق